Премиерот Зоран Заев вчера разговарал со косовскиот претседател Хашим Тачи и српскиот претседател Александар Вучиќ и им се извинил по разговорот со лажниот Порошенко. Во разговорот како што кажа Заев потенцирал дека станува збор за пријателски земји.
– Зборувавме со Тачи, бараше објаснување. Јас разменив и порака со претседателот на Србија, Александар Вучиќ. Сакам уште еднаш да ја исористам приликата ако со изјавата сум ги повредил граѓаните или претседателот на Косово намерата не била таа. Ние сме исклучително пријателски земји. Јас се надевам, барем така чувствувам, дека сум пријател на граѓаните на Косово. Никогаш не сме имале детали за преговарачкиот процес, како што и претходно изјавив. Сето тоа што е тема на разговори во кои било кулоари кога разговараме од она што е присутно во јавноста и слично. Впрочем и претседателот Тачи и претседателот Вучиќ знаат дека ние и не знаеме, немаме споделено информации, изјави Заев на отворање на бензиска пумпа во Арачиново.
Заев додаде и дека после Преспанскиот договор очекува затворање на останатите отворени прашања во регионот, со цел регионалната соработка да расте, како и за унапредување и трајно обезбедување на вечниот мир на целиот Балкански полуостров и унапредување на соработката меѓу сите земји.