Управата за финансиска полиција објави оглас за вработување 27 извршители – финансиски полицајци. Новите вработувања се поради зголемите надлежности и согласно препораките од ЕУ.
„Надлежностите на Управата се зголемени. Ќе правиме интегрирани истраги со другите институции и доекипрање беше неопходно. Новите вработувања се во согласност и со ‘Планот 3-6-9’ на Владата за реформи“, вели Арафат Муареми, директор на Управата за финансиска полиција за „А1он“.
Управата сега има 34 финансиски полицајци од кои тројца се распоредени во СЈО.
Огласот за новите вработувања е објавен денес, а заинтересираните треба да се пријават во рок од 15 дена.