Комисијата за транспорт, врски и екологија денеска ќе одржи седница на која на дневен ред е Информација за безбедноста во патниот и железничкиот сообраќај, поднесена од пратеници од опозициската ВМРО-ДПМНЕ.
Претседателката на Комисијата, Лилјана Затуроска вчера изјави дека на седницата на Комисијата ќе бидат повикани претставници од Министерството за транспорт и врски, директорите на ЈП Државни патишта и Македонски железници, како и од Секторот за безбедност на патиштата.
Во Собранието денеска, во рамките на TAIEX програмата, ќе се одржи Оценска мисија за слободата на изразување со претставници од Комисијата за прашања на изборите и именувањата и Комисијата за транспорт, врски и екологија.