Концесионерот на Слатинско Езеро е сериозно загрижен за последиците по рибниот фонд.
Порталот ОхридЊуз пренесува дека доколку попушти браната голем дел од рибниот фонд може да угине.
Доколку неконтролирано се излее езерото, ќе се случи најнепосакуваното. Во тој порој рибата ќе биде повлечена и ќе оди по коритото на реката Сатеска, дел ќе заврши низ нивите, а очекуваме еден дел да дојде до Охридското Езеро, но никој не може да процени сега колку риба ќе угине, вели Љубен Арнаудов, концесионер на Слатинско Езеро пренесува ОхридЊуз.
Концесионерот предложил мерки за спас на рибниот фонд, но од безбедносни причини не му било дозволено да влезе во езерото и да изврши излов на рибата.
Доколку се прави нова брана ќе мора целото езеро да се испушти. Во тој случај ќе треба да се излови рибата со влак. Постои опција дел од неа може да се пренесе во езерото кај Требеништа, или со концесионерот на Охридското Езеро да се направи договор таа риба да ја излови и да ја понуди на пазарот, а за возврат да ни компензира во нареден период одредена количина на риба, рекол Арнаудов.
Браната на Слатинското Езеро ќе мора да се санира а тоа значи и празнење на езерото со што само би се довел во прашање опстанокот на рибниот фонд.
