„Парламентарното мнозинство предводено од СДСМ го усвои Законот за враќање на дел од платениот данокот на додадена вредност на физичките лица.
Веќе од понеделник, први јули започнува реализацијата на проектот за поврат на 15 отсто од платениот Данок на додаден вредност за граѓаните.
Секој граѓанин над 15-годишна возраст со важечка лична карта и трансакциска сметка ќе може да изврши поврат на 15 отсто од ДДВ. На тој начин, секое семејство ќе добие дополнителен приход на крајот на годината“, изјави Костадин Костадинов, портпарол и пратеник на СДСМ.