По повод 1-ви март Денот на Полкот за специјални операции (пСО) на АРМ, денеска припадниците на пСО донираа еднодневен сув оброк и облека.
Хуманитарната акција, соопшти денеска ГШ на АРМ, со која беа донирани над четиристотини оброци и значителна количина на облека, пСО ја организираше во координација со Центарот за социјални работи на град Скопје, преку кој помошта беше доставена во социјално загрозени семејства во Скопје и околните општини.
Во чест на Денот на пСО утре во Домот на АРМ во Скопје, ќе биде отворена изложба на рачно изработени уметнички предмети од дрво на која со свои уметнички дела ќе се претстави капетанот Роберт Коцев кој е припадник на пСО. Изложбата наредните денови граѓаните ќе можат да ја посетат во Домот на АРМ.