Иран се уште има време да најде дипломатско решение за меѓународниот спор за неговата нуклеарна програма, но Исламската Република мора добронамерно да преговара со светските сили, изјави американскиот државен секретар Џон Кери.
– Моментот за дипломатско решение не може да се одложува бескрајно. Сега сепак се уште има време, изјави Кери во Лондон.
Тој наведе дека има време, но само ако Иран одлучи да седне на маса и да преговара добронамерно.
– Ние сме подготвени да преговараме со добронамерност и со взаемно почитување со цел да се избегнат ужасните последици при евентуален неуспех. Изборот е во рацете на Иран и се надеваме дека тој ќе го направи вистинскиот избор, изјави Кери.