Над 60 проценти од населението во Македонија ќе излезе да гласа на претстојните локални избори што треба да се одржат во март, покажува истражувањето на Центарот за истражување и анализа спроведено од 18 до 22 февруари.
На прашањето дали ќе излезат да гласаат на престојните локални избори, 62,46 проценти од испитаниците одговориле потврдно, 15,95 проценти се изјасниле негативно, додека 21,58 отсто не знаат.
Од вкупниот број испитаници, 56,63 проценти не го поддржуваат бојкотот на опозицијата на локалните избори, а 24,22 отсто се за бојкот. Со „не знам“ одговориле 19,15 проценти.
Истражувањето е спроведено на ниво на државата на репрезентативен примерок од 2.127 испитаници, по метод на теренско анкетирање. Реализирано е во временските интервали од 10 до 14 часот и од 18 до 20 часот со цел да бидат опфатени сите социјални групи на граѓани.
