Здружението на граѓани „Совест“ во понеделник во 16 часот ќе одржи протести на улицата „Димитар Влахов” во Охрид, со цел стопирање на изградбата на Алипашината џамија.
„Организираме мирен протест по повод незаконско градење на Алипашина џамија. Да му ставиме стоп на беззаконието, нема правда нема мир”, објавија од „Совест“.
Овој протест е закажан, откако претходно, неколкупати беше одложуван поради ветувањето на Владата и Општина Охрид дека ќе се најде решение за овој проблем.
Минарето на Алипашината џамија во Охрид и натаму се гради, без потребните дозволи. Охриѓани велат дека е кренат уште еден кат, а од зелената ограда поставена околу минарето не се гледа конструкцијата. Градежните активности кусо беа прекинати само од лошите временски услови, но не и од инспекциските служби. За изградба на минарето, треба да се издаде дозвола за градба од ресорното министерство, во спротивно тоа ќе треба да се отстрани.
Кристијан Ландов