Академијата на науките и уметностите на Република Северна Македонија (МАНУ) денеска одбележува 100 години од раѓањето на академик Ѓорѓи Филиповски.
Во рамки на одбележување на јубилејот, промовирано ќе биде пригодното издание „100 Години Ѓорѓи Филиповски“ од академик Глигор Јовановски, а прикажан ќе биде и филмот „Приказна од еден век – акадаемик Ѓорѓи Филиповски“.
По поздравниот збор на претседателот на МАНУ, академик Таки Фити, предвидено е обраќање и на академик Филиповски. За неговиот лик, научниот и наставниот придонес ќе говори проф. д-р Татјана Миткова од Факултетот за земјоделски науки и храна, а пригодна реч ќе има и ректорот на Универзитетот „Св. Кирил и Методиј“, проф. д-р Никола Јанкуловски.