Најмалку четири луѓе загинаа денеска во два одвоени напада северно од Багдад, соопшти полицијата.
Тројца војници загинаа и петмина се повредени откако напаѓач отворил оган врз контролен пункт во ал-Дулаја, 170 км. северно од Багдад, јави ДПА.
Еден цивил загина и седум се ранети во бомбашки напад во Бакуба, 60 км. североисточно од Багдад, соопшти полицијата. Засега никој не ја презеде одговорноста за нападите.