Европската унија планира финансирање програма со која ќе се истражат измами во прехранбената индустрија, ќе трае еден месец со можност продолжување на уште два месеца ако биде потребно.
Цел е да се помогне да се врати довербата на потрошувачите по скандалот со коњско месо пронајдено во прехранбени производи декларирани како говедско месо.
Европската унија ќе финансира 75 отсто од трошоците на програмата.
Според планот, ќе се воспостават контроли во главно на ниво на трговци на мало, на храна која содржи говедско за да се утврди евентуално недекларирано коњско месо.
Планот вклучува и тестирање на фенилбутазон, кој за луѓе е потенцијално штетен ветеринарен лек. Се планира тестирање на вкупно 2.250 примероци на говедски производи ширум Европа од десет до 150 по држава-членка.