Отворените перспективи кон ЕУ и НАТО, носат економски придобивки за развој нашата држава и сите граѓани, порача Пендаровски денеска пред граѓаните во Дебарца.
– Во 2018 година, само по добивањето на поканата за НАТО, во државата влегоа 625 милиони евра странски инвестиции, што е двојно повеќе од најдобрата година на таканаречениот реформатор Груевски. Тоа дополнително ќе се инетнзивира по влезот во НАТО и започнувањето на преговорите со ЕУ, истакна Пендаровски.
Во 2014 година, посочи Пендаровски, бевме морални победници, но сега мораме да бидеме и реални победници. Пендаровски побара граѓаните да не дозволат другата политичка опција да ја врати државата назад, во темниот тунел на груевизмот, бидејќи тогаш и најмногу млади се иселени.
Претседателскиот кандидат Пендаровски, повика на максимална излезност на претседателските избори во недела на 21ви април, а потоа и на 5ти мај.
– Гласот за бројот 3 е глас за обединување и заедништво! Затоа заедно напред кон сигурна иднина во ЕУ и НАТО, повика Пендаровски.