Влатко Поповски директор на Агенцијата за вработување денеска во Прилеп ги промовираше новите владини мерки и програми од оперативниот план за 2013 година за самовработување со неповратни средства односно грантови за поттикнвуање на процесот на самовработување.
Пасивните и активните барачи на работа, истакна Поповски, нема да изгубат ниту едно социјално право зошто тоа е поврзано со приходите што се остваруваат, а не со статусот „невработен“.
Раководителката на центарот за вработување од Прилеп Силвана Пашоска информира дека заврши првиот циклус за оваа година за самовработување со грантови за кој аплицирале 280 лица. Пополнетите прашалници, подвлече, подоцна ќе бидат обработени и селектирани за да се изберат најдобрите и најуспешните бизнис идеи.
Агенцијата за вработување договорот со фирмите го потпишува на четири години, но нејзината интенција е да се изберат бизниси кои ќе бидат одржливи и кои ќе продожат успешно да функционираат и после тој четиригодишен период.
Градоначалникот Марјан Ристески истакна дека Општина Прилеп ги поддржува проектите на Агенцијата за вработување на Република Македонија, воспоставувајќи соработка од една страна со Агенцијата како понудувач на услигите, а од друга страна со работодавачите, како би се вклучиле што повеќе лица.