[staff name=”Eлена Георгиевска” position=”Автор”][/staff]Од денес до четврти март, е забрането јавно промовирање на кандидатите за градоначалници и за општински советници. Советот за радиодифузија во наредните две недели ќе врши засилен мониторинг врз електронските медиуми.
Медиумите пред официјалниот почеток на изборната кампања не смеат да промовираат и да информираат за активностите на кандидатите.
Тие можат да одлучат дали ќе информираат за одреден настан, но според законската рамка, не може во ист контекст да се спомене некој кандидат за претстојните локални избори, или пак да се пласира негова изјава.
Од советот потсетија доколку медиумите не го почитуваат Изборниот закон и правилник за однесување на радиодифузери, во период на предизборната кампања, ќе се соочат со казни.
