Претседателот на Собранието на Република Северна Македонија Талат Џафери ќе учествува на Конференцијата на претседатели на Парламенти на Европската унија што ќе се одржи денеска и утре во Виена, Австрија.
Како што соопшти собраниската прес-служба, претседателот Џафери ќе се обрати на првата сесија на тема „Европската унија и нејзините соседи“.
Во рамките на настанот, ќе оствари и билатерални средби со потпретседателот на Националното собрание на Република Франција, Карол Биро-Бонар и со претседателот на Комисијата за европски прашања на Сенатот на Република Франција Жан Бизе, како и со претседателот на Националниот Совет на Словачка Република, Андреј Данко.