Две лица од Албанија и од Косово кои непријавено претстојувале во Тетово вчера биле приведени во полицијата, а потоа депортирани во нивните матични земји, соопшти денеска портпаролот на СВР Тетово, Марјан Јосифовски.
При полициската контрола спроведена вчера околу 1 часот и 30 минути во возило на тетовска компанија „Арбекс“ била затекната, а потоа и приведена албанската државјанка Д.С(23) која непријавено престојувала на подрачјето. Нешто подоцна во 8 часот и 50 минути запрено е возило „Форд фиеста“ со тетовски регистерски таблици што го управувал косовскиот државјанин М.К(54) кој исто така не поседувал соодветни документи по што и тој бил приведен.
– Во текот на попладнето и двајцата биле депортирани во Албанија односно Косово, рече Јосифовски.