Еден полицаец и уште едно лице се здобиле со повреди во сообраќајната несреќа што утрово околу 7 часот се случила на кружниот тек на улиците „Видоја Смилевски-Бато“ и „Браќа Миладинови“ во Тетово, соопшти денеска портпаролот на СВР Тетово, Марјан Јосифовски.
Во сообраќајката учествувале две возила „Ланд ровер дефендер“ со полициски регистерски таблици што го управувал М.А (33) од Раковец, вработен во Полициската станица за граничен надзор Попова Шапка и „Форд транзит“ со тетовски ознаки што го управувал Н.С (45) од Лешок.
Во несреќата повреди задобиле возачот на „Роверот“ и сопатникот од „Фордот“ Д.Ш (62) од Тетово кои со друго возило се префрлени и задржани во тетовската клиничка болница.
Полицијата извршила увид на местото на несреќата во која причинетата штета се проценува на околу 60 илјади денари и работи на целосно расветлување на сите поединости поврзани со неа.
