Ракометарите на Металург значително си ги зголемија шансите за освојување на второто место во Ц групата од Лигата на шампионите, откако вечерва во Данска, екипата на Силкеборг го победи Горење со 27:26 и му направи услуга на македонскиот шампион.
Горење е директен конкурент на Металург за втората позиција, а со евентуален скор од ист број бодови на крајот „металурзите“ ќе бидат подобропласирани поради подобриот ефект во меѓусебните дуели.
Токму Силкеборг следната недела во последното коло гостува во Скопје кај Металург, а нашиот првак со победа ќе биде сигурно втор во групата, независно од исходот на Горење со Киелце.
Тоа значи полесен противник во следната, елиминациска фаза и реванш на домашен терен.
Постигнати резултати во 9.коло во групата Ц од Лигата на шампионите: Санк Петербург – Металург 14:32, Киелце – Шамбери 36:32 и Силкеборг – Горење 27:26.
Табела Ц група: Киелце 16, Горење 12, Металург 12, Силкеборг 8, Шамбери 2, Санкт Петербург 2.