Драгиша Милетиќ, претседателот на Српската напредна странка во Македонија, со соопштение тврди дека останува во опозиционата коалиција и дека до крај ќе се залага и бори за заедничките цели.
Овој став Милетиќ го соопшти откако на Стевче Јакимовски му го даде партискиот печат за да може да се кандидира за градонаќалник во општина Карпош.
„Свесен сум дека со оваа моја постапка нанесов штета на „Сојузот за иднината“, иако лично верувам и целосно сум убеден во исправноста на одлуката за бојкот на локалните избори.
– Како пратеник ја потпишав оставката и истата ќе ја депонирам во Собранието на денот на одржување на локалните избори“, пишува Милетиќ во соопштението до јавноста.
Милетиќ вели дека има целосно разбирање за реакциите кои ги предизвика со неговиот потег.