Турски министер тврди дека неговата земја до септември ќе има едноцифрена инфлација

Од:

Турција до месец септември ќе забележи едноцифрена стапка на инфлација, благодарение на структурните мерки на властите, изјави денеска турскиот министер за трезор и финансии Берат Албајрак, јави агенцијата Анадолија.

– Очекувањата за висока инфлација влијаат врз производството, потрошувачката, меѓународната конкуренција и каматните стапки, истакна Берат Албајрак во своето обраќање на настан во североисточната турска област Трабзон.

– Поради оваа причина, еден од приоритетите на нашата програма е трајно намалување на инфлацијата и достигнување едноцифрена стапка на инфлација, додаде тој.

Според државната статистика, годишната инфлација во Турција од над 25 отсто во октомври минатата година, падна на 20,35 отсто во јануари и 19,67 отсто во февруари, потсетува Анадолија.

Албајрак нагласи дека стапката ќе биде под планираната цел уште во новата економска програма на Турција објавена во септември минатата година.

Според програмата, целната стапка на инфлација во земјата за оваа година изнесува 15,9 отсто, 9,8 отсто за следната година и шест отсто за 2021 година.

– Турција ќе влезе во позитивен процес преку нови реформи, потенцираше турскиот министер.

Би можело да ве интересира

Инфлацијата во мај зголемена за 0,9 проценти во однос на април

Се урна зграда во Истанбул, луѓе останаа заробени под урнатините

Вооружена пресметка меѓу две групи во Турција: Три лица загинаа

Горан Наумовски

ЕУ увезува руска нафта преку турските пристаништа

„Владата дава 100 евра по жител за растеретување на инфлацијата“: Се шири нов линк за измама на граѓаните

Орце Костов

Се поскапо станува одењето по ресторани и кафеани