Најскапи градови во светот се Париз, Хонг Конг и Сингапур, кои на листата на весникот „Економист“ го делат првото место.
Според трошоците за живеење во 133 градови ширум светот, овие три градови ја делат првата позиција, што е првпат во 30-годишната долга историја на анкетирања спроведени од страна на „Економист“.
Истражувањето ги споредува цените на секојдневните намирници, како што е лебот, а потоа се следи дали цените се зголемиле или намалиле и се споредуваат со трошоците за живот во Њујорк, кој се користи како референтна вредност.
Париз од 2003 година е меѓу десетте најскапи градови и е „исклучително скап” за живот, наведува авторот на извештајот.
Просечната цена на женска фризура, на пример, во Париз изнесува 119,04 долари, во споредба со 73,97 долари во Цирих и 53,46 долари во јапонскиот град Осака.
– Европските градови имаат највисоки цени за домаќинство, лична нега, рекреација и забава, а Париз е во овие категории добар претставник, вели авторот.
Зад Сингапур, Париз и Хонг Конг се наоѓаат Цирих, Женева, Сеул, Копенхаген, Осака, Сеул, Њујорк, Тел Авив и Лос Анџелес.