НАТО треба да одговара за многу постапки, меѓу кои и за бомбардирањето на СР Југославија, оцени денеска членот на Одборот за меѓународни работи во рускиот Парламент Евгениј Примаков. Зборувајќи по повод 20 години од бомбардирањето на СРЈ тој оцени дека Алијансата треба да исплати надомест за штетата предизвикана од воените операции.
– Тука се Либија и другите агресивни напади кои ги иницираше НАТО. Уверен сум дека е законско прашањето за репарација и компензации. НАТО и членките кои учествувале мора да исплатат репарации за воените операции. Луѓе останаа без домови, без работа, уништени беа мостови, нафтени складишта, изјави Примаков во Белград.
Тој истакна дека бројот на жртви за време на НАТО бомбардирањето бил поголем отколку бројот на жртви во косовскиот конфликт, пренесува Танјуг.
– Многу бомби беа фрлени на Југославија. Околу два килограма железо на секој жител на Југославија. Хуманитарната акција се претвори во хуманитарна катастрофа, рече Примаков.