По посетата на високо ниво во Будимпешта од страна на Групата земји против корупцијата (ГРЕКО) при Советот на Европа, Унгарија треба да и ги претстави на унгарската јавност извештаите на ГРЕКО и целосно да ги спроведува нејзините препораки, јави дописникот на МИА од Стразбур.
Посетата беше дел од постапката за неусогласеност под која ГРЕКО ја стави Унгарија, и главна цел беше спречување на корупцијата на пратениците, судиите и обвинителите.
Делегацијата на ГРЕКО денеска се сретна со Јанош Бока, државен секретар за европска соработка и меѓународна правда, Питер Полт, Јавниот обвинител на Унгарија и Јудит Фаталин, претседател на Националниот судски совет.
Поздравувајќи ги добиените информации и обновените заложби на унгарските власти за спроведување на неговите препораки, ГРЕКО жали што, „речиси четири години по усвојувањето на извештајот на четвртиот круг на евалуација, многу малку од неговите препораки не се следени и ниту еден од извештаите за Унгарија не е објавен јавно.
ГРЕКО ја стави Унгарија во „специјална постапка за неусогласеност“ од јуни 2017 година, бидејќи смета дека не се доволни мерките што земјата ги преземала за да ја спречи корупцијата. Во декември 2018 година, ГРЕКО одлучи дека усогласеноста на Унгарија со препораките на ГРЕКО останува „глобално незадоволителна”. Посетата на високо ниво даде можност да се разговара со сите засегнати страни за најдобриот начин да се гарантира дека препорачаните законодавни и политички промени ќе завршат што е можно поскоро.
Препораките на ГРЕКО што треба да се имплементираат го вклучуваат следново:
• Да се овозможи поголема транспарентност и консултации во законодавниот процес;
• Донесување на кодекс на однесување, воведување правила за лобистички интеракции и обврска за откривање на потенцијални судири на интереси за пратениците;
• Ограничување на овластувањата на претседателот на Националната канцеларија за правда да интервенира во процесот на избор и промоција на кандидатите за судски позиции и пренамени на редовни судии без негова согласност;
• Го ограничува имунитетот на обичните судии и обвинители на „функционален имунитет”;
• Да се донесе одлука за отуѓување на обвинителите со строги критериуми.
Во делегација на ГРЕКО беа Марин Мрчела, претседателот на ГРЕКО, Јан Клеијсен, директор на информатичко општество и борбата против криминалот, Кристијан Манке, шеф на делегацијата на австриската делегација при ГРЕКО, Џанлука Еспосито, извршен секретар на ГРЕКО и Тања Ван Дик од Секретаријатот на ГРЕКО.
ГРЕКО побара од унгарските власти да известуваат за напредокот постигнат на крајот од годината. Потоа неговите експерти ќе ги испитаат мерките преземени од страна на унгарските власти на една од пленарните состаноци во 2020 година.