Пратеникот од ВМРО-ДПМНЕ, Антонијо Милошоски на денешната седница во Собранието за одземањето на пратеничкиот имунитет на Трајко Вељаноски рече дека Обвинителството е продолжена рака на извршната власт предводена од СДСМ.
-Секој од опозицијата кој се дрзнал да не поддржи двотретински проект на Владата, од самиот старт се виновни. Само прашање на време е кога ќе биде покренато обвинението, рече Милошоски.
Тој, исто така истакна дека случајот со Вељаноски е политички монтиран, а меѓудругото ова се гледа и по тоа што дури сега се врши истрагата, додаде тој.
Милошоски вели дека истрагите се за дефокусирање на неисполнетите ветувањата од партијата на власт спрема граѓаните.
Виктор Јованов