Завојуваните страни во Јемен досега регрутирале и вклучиле во конфликтот најмалку 2.700 малолетници, објави Фондот за деца при Обединетите Нации (УНИЦЕФ).
Канцеларијата на УНИЦЕФ во Јемен преку Твитер соопшти дека најмалку 2.700 деца биле регрутирани во судирите и дека две третини од жените во таа земја биле насилно венчани како малолетнички.
Исто така, се истакнува дека децата се најголема жртва во конфликтите во Јемен и се потенцира дека децата не смеат да бидат цел.
УНИЦЕФ минатиот месец објави дека од 2015 година досега во Јемен загинале најмалку 6.700 малолетници.
Јемен е зафатен од длабока политичка и безбедносна криза која ескалираше во граѓанска војна кон крајот на 2014 година.