Надворешната канцеларија за криминалистички работи Прилеп при СВР Битола во соработка со Единицата за имотен и насилен криминал од Секторот за општ и насилен криминал од Оделот за криминалистичка полиција при БЈБ, до ОЈО-Прилеп поднесе кривична пријава против пет лица, соопштија од полицијата.
Од МВР велт дека станува збор за 41-годишниот Д.П., 35-годишниот М.А. и У.П. на возрасто од 38 години, сите тројца од Република Србија поради постоење основи на сомнение за сторено кривично дело „разбојништво”, предвидено и казниво во член 237 од КЗ на РМ и против лицата М.К. на возраст од 44 години од Прилеп и В.Т., исто така 44-годишен од Прилеп, поради постоење основи на сомнение за сторено кривично дело „помагање” по член 24 од КЗ на РМ, а во врска со член 237 од КЗ на РМ.
На 25 декември минатата година околу 8 часот и 45 минути додека вработената во златара „Буба Мара“, лоцирана во старата градска чаршија во Прилеп, го поставувала излогот, второпријавениот го скршил стаклото од влезната врата со помош на чекан и влегол внатре, а по него влегол и првопријавениот, кој вперил пиштол кон вработената и почнал да го собира златниот накит од излогот и од сефот во кој имало и торбичка со пари, велат од полицијата.
Потоа, прво и второпијавениот или Д.П. и М.А. заедно со третопријавениот, кој ги чекал пред дуќанот избегале со возило „Форд Фиеста“.
Четвртопријавениот им помагал така што им обезбедувал сместување, храна, мобилни телефони и друга логистика додека тројцата го подготвувале кривичното дело. Петтопријавениот, пак кој исто така им помагал, им помогнал на тој начин што го прикрил возилото „Форд Фиеста“ и друга логистика.
М.К. и В.Т се приведени и предадени на ОЈО, велат од полицијата.