Американската Влада ќе ја продолжи истрагата за убиството на саудискиот новинар Џамал Кашоги, изјави американскиот државен секретар Мајк Помпео за време на денешната посета на Унгарија.
– Америка не прикрива убиство, истакна Помпео, додавајќи дека САД ќе преземат повеќе акции за да се казнат одговорните за смртта на Кашоги.
Саудискиот новинарбеше убиен во саудискиот конзулат во Истанбул на 2 октомври минатата година. По првичното демантирање на неговата смрт, Саудиска Арабија потврди дека нејзини агенти го убиле, но отфрли дека нејзини високи државни претставници се одговорни за убиството.