„ВМРО-ДПМНЕ е навикната на масовна партизација и злоупотреба на институциите пред избори и затоа гледа наводни скандали во секоја редовна активност на јавните и државните претпријатија.
Таквиот однос кон институциите и граѓаните заврши со заминување на ВМРО-ДПМНЕ во опозиција.
Не е точно дека во јавните претпријатија под надлежност на Град Скопје ќе се вработуваат 700 лица како што лажно тврди ВМРО-ДПМНЕ. Според јавно достапните податоци, станува збор главно за продолжување на истечени договори на веќе вработени лица, како и пополнување на испразнети работни позиции.
Сите државни институции и државни и јавни претпријатија, денес работат независно и професионално, а работните места се пополнуваат согласно годишните програми на институциите и претпријатијата.
ВМРО-ДПМНЕ не може да се помири со фактот што Македонија конечно тргна напред, што невработеноста се намалува, платите растат, а економијата се движи во добар правец и затоа не престанува со ширењето лажни вести што е нивен единствен начин на дејствување“, се вели во реакцијата на СДСМ на прес-конференцијата на Димче Арсовски од ВМРО-ДПМНЕ.