Министерот за одбрана Фатмир Бесими денеска оствари протоколарна средба со шефот на канцеларијата за врски на Република Грција во Република Македонија, Харис Лалакос.
Како што соопшти Министерството за одбрана, на средбата се разговараше за соработката и значењето на унапредувањето на билатералната соработка, како и имплементација на Планот за билатерална соработка за 2013 година. Бесими и Лалакос разговарале и за евроатлантските интеграции како на Република Македонија, така и во целиот регион во насока на унапредување на стабилноста на регионот и придонес кон глобалниот мир.
Министерот Бесими најави средба со грчкиот министер за одбрана во текот на оваа година, се вели во соопштението.