Со проценета вредност без ДДВ од 3.000.000 денари или приближно 50 илјади евра, МВР објави тендер за консултантски услуги за изготвување проектна документација која ќе се користи при извршување на набавка на услуги за изработка на биометриски документи.
Станува збор за категоријата информатички и поврзани услуги. Квалитетот учествува со 70, а цената со 30 бодови.
На огласот на Бирото за јавни набавки пишува дека станува збор за постапка со преговарање со претходно објавување на оглас. Критериум за доделување на договорот е економски најповолната понуда. Пријавите за учество може да се достават до 15 февруари.
Васко Маглешов
