Искористување на можностите за вработување на учениците од средното државно училиште „Св. Наум Охридски“ во кое се образоваат лица со интелектуална попреченост во насока на нивно соодветно вклучување во работните процеси е иницијативата на Сојузот на стопански комори на Македонија и училиштето која денеска ќе ја презентираат на прес конференција.
Како што информираат од ССК, целта на иницијативата е ефективна инклузија на учениците на пазарот на труд.
Во насока на градење на партнерски однос со бизнис заедницата на прес-конференцијата ќе биде потпишан Меморандум за соработка меѓу двете институции.