Власта реши и за нецела недела, иницираше, напиша, издискутира и со изгласа Деловник по свој терк.
Без опозиција, со 63 гласа за и ниту еден против, ВМРО-ДПМНЕ и ДУИ со ги изгласаа новите собраниски правила за ограничување на дискусиите во комисиите, но не во сите, туку само за финансирање и буџет, за економски прашања, за уставните измени и за закони со европско знаме.
Не се ограничија дискусиите во Комисијата за труд и социјална политика каде има 15.000 амандмани на ДУИ на Законот за бранители. И она што остана од опозицијата во Собранието, НДП и ДПА не дадоа легитимитет на новиот Деловник и ја напуштија салата.
Претходно, Изет Зекири од партијата на Руфи Османи реагираше дека ваков Деловник нема да има легитимитет.
„На овој начин не се менува Деловникот. Се цензурираат пратениците. Ова е штетно за демократијата. Зошто не се ограничат дискусиите и во другите комисии? Праѓа Зеќири.
Укажа дека на „мала врата“ е протнат Деловникот во надлежната комисија, бидејќи немало кворум за неговото изгласување. Гласале и челновите и нивните заменици од редовите на ВМРО-ДПМНЕ.
„Не ја манипулирајте јавноста. Не поднесовте амандман и не сработевте за тие што ве гласаа“, реплицираше Александар Николовски.
„Лажете господине, јас не лажам.Не се носат закони на шверцерски начин“, рече Зеќири.
Ермира Мехмети укажа дека постои дијалог во Парламентот.
А денеска Собранието штанцаше закони под полна пареа. Без дискусии за нецела минута се изгласуваа закони, само со стискање на копчето.