Патнички воз денеска излета од шините кај железничката станица во градот Жилина во северозападниот дел на Словачка.
Како што јавија словачките медиуми, при несреќата нема повредени патници.
Инцидентот се случил кога возот влегувал во железничката станица, при што од шините излетале локомотивата и првите четири вагони.
Претставник на локалната полиција изјави дека среќна околност е што возот забавувал и во моментот на излетувањето од шините се движел со мала брзина.
Набрзо по инциднетот сите патници биле безбедно евакуирани од возот.
Полицијата почна истрага за утврдување на причините за несреќата.