Со покажување на знакот „V“ за победа Новиот народен еколошко-социјален сојуз го претстави своето ново лого во боите на виножитото. Обединетата француска левица денеска ја ја објави својата прва заедничка фотографија, од која се гледаше забележлив ентузијазам. Од пристаништето на Обервиле (Сена-Сен Дени), бунтовниците, социјалистите, еколозите и комунистите го одбележаа почетокот на кампањата за парламентарните избори, јави дописникот на МИА.
На сцената беа Адриен Кватененс, Фабиен Русел, Жулиен Бају, Матилда Пано, Оливие Фор… Сите седнаа рамо до рамо за да формираат проект што треба да го донесе Жан-Лук Меланшон на функцијата премиер, доколку освои мнозинство во Национално собрание. Долго време фален од публика составена од кандидати, пратеници во заминување и активисти, шефот на ЛФИ, исто така, ги повторуваше формулите за да го регистрира ова ново поглавје во „историјата на Франција“.
-Се разбира, левицата е таа што се обединува, но не е обединетата левица, не е плуралната левица, тоа не е унијата на левицата, тоа е нова страница на историјата која се нарекува Нов народен, еколошки и социјален сојуз, изјави претседателскиот кандидат, опкружен со архитектите на неодамнешниот договор.
Според него, тоа не е само изборен договор. (…) Тоа е чин на колективен отпор кон ерата на социјално, еколошки и демократско малтретирање. Без да го осуди Емануел Макрон, кој неколку часа претходно беше инугуруран во старо новата функција. Тој го обвини дека „стандардно е избран под ограничување на вториот круг“, „без воопшто да објави ниту најмала програма“.
Отсега, Жан-Лук Меланшон го знае предизвикот што го чека: да ги направи „Нупес“ новото трајно лице на левицата. „Тоа нема да трае само за време на изборите, туку нема да се случи само по себе. Тоа ќе се направи преку дискусија, преку другарство, преку братство, рече тој. Ќе мора да бидеме радикални, но конкретен разумен радикализам. (…) Секој да биде подобар за колективот, а колективот ќе биде подобар за сите“.
-Ќе мораме постојано да стекнуваме доверба, предупреди Жан-Лук Меланшон. Пред да ја повика на акција „масата од овој народ, која конечно мора да може да ја најде во сите нас, бидејќи тие сами се присутни овде, во свое политичко претставување“.
Извор: МИА