Полицијата на Виена ги засили вооружените полициски патроли во градот, особено околу црквите, откако внатрешното разузнавање доби информации кои укажуваат на можен исламистички напад.
„Во моментов не може да се процени колку долго ќе трае оваа зголемена заштита на локациите“, напиша полицијата на Твитер.
Полицијата нагласи дека ќе издаде итно предупредување доколку заканата се намали на одредена локација.
Полицијата ги предупреди граѓаните за зголемен број на вооружени полициски патроли.
„Ќе забележите дека во моментов има поголем број полициски сили кои патролираат низ градот со специјална опрема. Причината е неспецифична закана против црквите. Ќе продолжиме да ве информираме“, додаде полицијата на Твитер.
Таа објасни дека австриската внатрешна разузнавачка служба има информации дека во Виена се планира напад со исламистичка позадина.