Бројот на грчките имигранти во Германија е зголемен за околу 80 отсто во првите шест месеци од оваа година, објави весникот Етнос повикувајќи се на германски статистички податоци.
Германската служба за статистика објави дека од јануари до јуни над половина милион странци дошле во Германија што претставува пораст за 15 отсто во споредба со истиот период во 2011 година.
Според податоците, бројот на имигранти во Германија од држави кои се во должничка криза и особено од Грција е зголемен за 80 отсто.
Само во минатата година бројот на имигранти е зголемен за 20 отсто, повеќето од нив се од држави од Европската унија.