Земјотрес со јачина од 6 степени според Рихтеровата скала денеска го погоди јужниот дел на Филипините, објави Американскиот геолошки институт (USGS), додека локалните власти го предупредија населението на можност од последователни потреси.
#Earthquake (#lindol) confirmed by seismic data.⚠Preliminary info: M5.8 || 27 km E of #Tagum (#Philippines) || 8 min ago (local time 14:02:33). Follow the thread for the updates👇 pic.twitter.com/gDGXTebi2j
— EMSC (@LastQuake) March 7, 2023
Плиток земјотрес е регистриран во седум часот наутро по средноевропско време на неколку километри од Марагусан во планинската провинција Давао де Оро, на островот Минданао, на југот од архипелагот.
Канцеларијата за катастрофи во Марагусан добила дојава за свлечиште на националниот автопат, без извештаи за други штети или жртви, но ќе ги посетат околните села за да ја проверат состојбата на терен. Земјотресите на Филипините се секојдневна појава. Земјата се наоѓа на Пацифичкиот огнен прстен, зона со висока сеизмичка и вулканска активност.