Земјотрес со магнитуда од 4,8 степени според Рихтеровата скала е регистриран денес на југот на Киргистан, објави Институтот за сеизмологија на Руската национална академија на науките.
Според институтот, земјотрес е регистриран во 16:31 часот по локално време, а центарот на земјотресот бил оддалечен 134 километри од вториот по големина град во земјата, Ош, објави РИА Новости.
Земјотрес со магнитуда од 4,9 степени е регистриран во истото подрачје во понеделникот.
Според прелиминарните податоци на Министерството за вонредни ситуации на Киргистан, во земјотресите не се регистрирани жртви или сериозна материјална штета.