Украинскиот претседател Володимир Зеленски денес изјави дека Украина ги исцрпила своите залихи од противвоздушни ракети за некои од постојните системи за воздушна одбрана (ADF), нагласувајќи дека ова е итна потреба во услови на секојдневни напади.
Зеленски го изјави ова на прес-конференција на маргините на самитот на Европската унија во Брисел, наведувајќи дека не сака јавно да дискутира за специфични видови муниција, објави украинскиот јавен сервис „Суспилне“.
„Денес зборуваме и за воздушна одбрана, за некои ракети кои се во дефицит. Постојат системи за кои немаме одредени видови ракети. Разговарав за ова со партнерите денес, можеме да разговараме за тоа, но ракетите летаат секој ден и мора да бидат соборени“, рече Зеленски.