Украинскиот претседател Володимир Зеленски изјави дека не знае ништо за какви било тајни договори за принудување на Украина да тргува со територија за мир и инсистира дека Русите мора да бидат повикани на одговорност.
„Не знам за какви договори некаде се разговара, за каква размена на нашите територии. Имаме еден документ – формулата за мир. Имаме една желба – мир. Го формулиравме како што го гледаме. Подготвени сме за отворена дискусија со нашите колеги, за светот да биде на иста страна – на страната на праведен мир со целосно обновување на територијалниот интегритет на Украина“, истакна Зеленски.
Тој рече дека соборувањето на малезискиот авион МХ17, како и масакрите во Буча и Маријупоље, не можат да се заборават, само затоа што поминало времето.
„Во Русија веројатно размислуваат вака: ќе ги заборават овие работи и некако ќе се договориме. Ова е прашање на правда. Нема да дојдеме до никакви договори само така. Некој мора да одговара, а ние ги знаеме имињата на тие луѓе“, рекол претседателот на Украина.