Украинскиот претседател Владимир Зеленски денеска изјави дека најверојатно ќе има средба со рускиот претседател Владимир Путин на која ќе се разговара за конфликтот во источна Украина, додавајќи дека двете страни се „пред финалето“ за нов договор за прекин на огнот.
-Ми се чини дека се оди кон тоа дека оваа средба ќе се одржи, рече Зеленски на настанот по повод 35-годишнината од нуклеарната катастрофа во Чернобил, пренесуваат британските медиуми.
Зеленски додаде дека не сака конфликтната област во Донбас да се претвори во друга „забранета зона“, како што е контаминирано земјиште околу нуклеарна централа.