Мобилизацијата во Украина трае од почетокот на инвазијата во полн обем, а измените на Законот, кои денеска беа усвоени од парламентот, имаат за цел зајакнување на контролата по ова прашање и поддршка на армијата во спроведувањето на ротации и одобрување на отсуство, изјави денеска претседателот на Украина, Володимир Зеленски
„Што се однесува до мобилизацијата, најпрво би сакал сите да разберат: имаме војна, вонредна состојба, а спроведувањето на вонредната состојба е спроведување на мобилизација. Мобилизацијата се одвива според роковите, според законот, продолжува на секои три месеци континуирано од почетокот на војната, нема ништо ново“, рече Зеленски на прес-конференција во Вилнус по повод усвојувањето на измените на законот за мобилизација во Врховната Рада.
Според неговите зборови, измените на Законот за мобилизација и воена регистрација се усвоени денеска во второ читање на барање на воениот врв, пренесува Укринформ.