Украинскиот претседател Володимир Зеленски ја осуди, како што рече, системската корупција со медицински ослободувања за луѓето кои избегнуваат регрутирање, велејќи дека системот е отворен за поткуп и масовни заминувања во странство.
Украина го постави сузбивањето на корупцијата како приоритет, бидејќи ја продолжува својата контраофанзива 18 месеци по руската инвазија. Исто така, искоренувањето на корупцијата е клучен елемент во напорите на земјата да се приклучи на ЕУ.
Зеленски во своето ноќно видео обраќање рече дека Советот за национална безбедност и одбрана ги прегледал податоците што го покажуваат степенот на лажни исклучоци од воена служба, поткуп и бегство во странство од февруарската инвазија. Тој исто така изјави дека истрагата за сомнителни медицински ослободувања се уште е во тек.