Украинскиот претседател Володимир Зеленски во интервју за „Аксиос“ изјави дека разузнавачките информации во Украина покажуваат дека Русија продолжува да добива оружје од Иран и дека Москва се подготвува да мобилизира 500.000 луѓе.
Тој исто така рече дека Москва гради инфраструктура за да прими дополнителни 30.000 севернокорејски војници кои би можеле да бидат испратени на фронтот во Украина, како и дека Пјонгјанг продолжува да испорачува балистички ракети и друго оружје во Русија.
Зеленски исто така рече дека постојат индикации дека Кремљ се подготвува за можна мобилизација на дополнителни 500.000 војници.
„Ова е она што го гледаме. Ова не е сигнал дека сака да ја запре војната“, заклучи украинскиот претседател.
Зеленски рече дека разговарал и со американскиот претседател Доналд Трамп за итна испорака на противвоздушни ракети „Патриот“, предупредувајќи дека залихите на пресретнувачи на Украина се речиси исцрпени и дека на земјата ѝ се потребни најмалку 300 ракети пред почетокот на зимата.