Украинскиот претседател Володимир Зеленски верува дека распоредувањето на меѓународен воен контингент на фронтовската линија во Украина би можело да помогне во заштитата на светот од понатамошна агресија од страна на рускиот лидер Владимир Путин, изјави тој во интервју за CNN.
– Присуството на странски трупи по фронтовската линија би го направило почетокот на нова војна многу опасен за Русија. Тие се плашат од силите за поддршка, базите и меѓународните претставници. Ако тоа го нема, ниеден збор нема да го запре Путин, рече Зеленски.
„И ако навистина сакаме да го запреме, не сум сигурен дека моќните држави можат да бидат посредници. Кога посредувате, тој не се чувствува виновен. Тоа е голем проблем. Не принудувам никого да избере страна, но поентата е дека ако сакаме да ја завршиме војната, мора да му кажеме на Путин дека греши. Не сум убеден дека дијалозите засновани на компромис функционираат“, додаде тој.
Зеленски верува дека американскиот претседател Доналд Трамп, кинескиот лидер Си Џинпинг, индискиот премиер Нарендра Моди и други влијателни светски лидери треба да го убедат Путин да ја заврши војната.
