Украинскиот претседател Володимир Зеленски изјави дека Европа ќе игра важна улога во преговорите за завршување на војната, како и во обновата на Украина.
„По војната, ЕУ ќе игра клучна улога во обновата на нашата земја – тоа ќе биде еден од најголемите економски проекти за цела Европа во последните децении“, рече Зеленски откако го помина денот во консултации со европските сојузници, еден ден по телефонскиот разговор со американскиот претседател Доналд Трамп.
„Затоа европскиот глас ќе биде слушнат во дипломатијата“, заклучи тој.