Украинскиот претседател Володимир Зеленски денеска изјави дека Европа исто така треба да биде на преговарачка маса за да се стави крај на војната меѓу Русија и Украина.
Зеленски рече дека не мисли дека фактот што американскиот претседател Доналд Трамп вчера разговарал прво со рускиот претседател Владимир Путин, а потоа и со него, доволно зборува за американските приоритети, но исто така рече дека тоа е „непријатно“, пренесува Ројтерс.
Зеленски рече дека тој и Трамп не разговарале за потенцијалното членство на Украина во НАТО, додавајќи дека „знае дека САД не сакаат Украина да биде членка“.