Украинскиот претседател Володимир Зеленски денес имаше телефонски разговор со американскиот претседател Доналд Трамп, изјави шефот на украинската претседателска администрација Андриј Јермак.
„Многу важен и значаен разговор меѓу претседателите. Сите детали ќе бидат достапни многу наскоро“, рече Јермак, според Укринформ.
Зеленски во четврток изјави дека ќе разговара со Трамп за прашањето за снабдување со оружје од Соединетите Американски Држави.
Порано оваа недела, американските медиуми објавија дека Пентагон одлучил да го прекине снабдувањето со муниција и ракети за Украина.
