Украинскиот претседател Володимир Зеленски денес изјави дека Планот за победа е да се запре Русија сега и да се спречи да ја повтори својата агресија.
Како што рече за време на заедничката прес-конференција со финскиот претседател Александар Стаб, „безбедносните гаранции можат да се воведат по завршувањето на војната, иако веројатно нешто би можело да се направи пред тоа“, објави Укринформ.
„Според мене, Планот за победа е да се запре Русија сега и да се спречи да ја повтори својата агресија. Денес, нашите безбедносни гаранции се базираат на принципите – силна украинска армија, присуство на европски колеги, американски „бекстоп“, санкции и реконструкција. Планот што го смислив имаше сличен модел, но се базираше на она што треба да се направи сега, без да се чека крајот на војната, а потоа Русите ќе ја завршат оваа војна“, рече Зеленски.